dove vive saviano


‘A Wikipedia.

Roberto Saviano (Napule, 22 ‘e settembre 1979) è nu giurnalista e scrittore napulitano, famoso ntutt’Italia. Isso è l’autore d”o rumanzo Gomorra e tant’ati libbre e articule ca parlano d”a rialtà economica e giugrafeca d”a Camorra e l’ati organizzaziune crimminale.

‘E libbre ‘e Saviano parlano cu precisione d”e nomme ‘e ll’affiliate e d”e pizze addò sti attività criminale succereno. Saviano scrive sempe a modo autobiografeco o pure c”o stesso formato: accucchianno fattarielle ncopp”e business d”a camorra ‘e mò.
Ncopp”e libbre se parla specialmente d”o clan Di Lauro, ‘e chille ca facettero ‘a scissione spagnuola e pure d”a storia ca purtaje a fà scumparì ‘a Nova Camorra Organizzata e ‘o putere e ‘a manca ‘e scrupolo d”e clan ‘e Casale. Chest’urdemo clanno minacciaje ‘e mmorte a Saviano ‘a 2006.

Saviano nascette a Napule ‘o 22 ‘e settembre ‘e 1979. ‘O pate era cattoleco e ‘a mamma era abbreja[1] Se pigliaje ‘a laurea ‘e filosofia dint’a ll’Uneverzetà ‘e Napule Federico II. ‘O modo ‘e scrivere suojo pigliaje ispiraziona ncopp’ ‘e scritture anti-fasciste comme Giustino Fortunato, Gaetano Salvemini[2] e auture cunzervative comme Ernst Jünger, Ezra Pound, Louis Ferdinand Celine e Carl Schmitt.[3]

Comme giurnalista, cullaburaje ch’ ‘e ghiurnale L’Espresso e La Repubblica, e tant’ati riviste comme: Nuovi Argomenti, Lo Straniero, Nazione Indiana e Sud, se può ncuntrà pure dint’a diverze antologgie comme Best Off. Il meglio delle riviste letterarie italiane (2005), e Napoli comincia a Scampia (2005).

‘A 2006 è minacciato ‘e mmorte ‘a ‘e cartelle cammorristece, ca se so’ denunciate ‘a isso quanno pe’ primma scennette npiazza a Casale int’a na manifestazione p”a legalità[4], Roberto Saviano campa mò sotto nu protocollo ‘e prutezione c”a scorta, e ‘a ottobre 2006 campa prutetto[5].

Po’ int’a 2006, aropp’ ‘o succiesso d”o libbro ‘e nun-finziona Gomorra, ca denunciaje ll’atività delinguente d”a Camorra, Saviano ricevette minacce. E fuje cunfermato d”e cullabburature d”a giustizia ca se facettero tentative d’attentate contro ‘a vita ‘e Saviano ‘a parta d”e clan ‘e Casale.

Rumanze[cagna | cagna surgente]

  • (it) Gomorra. Viaggio nell’impero economico e nel sogno di dominio della camorra, Mondadori, Milano, (2006). ISBN 9788804569152 – ISBN 8804554509
  • (it) La bellezza e l’inferno. Scritti 2004-2009, Mondadori, Milano, (2009). ISBN 978880459413
  • (it) Zero Zero Zero. Viaggio nell’inferno della coca, Feltrinelli, Milano, (2013). ISBN 9788807030536 – e-book: ISBN 9788858811436
  • (it) La paranza dei bambini, Feltrinelli, (2016). ISBN 978-8807032073
  1. Roberto Saviano, Scourge of the Mafia and Reader of I. B. Singer. Data: July 20, 2011. Cuntrullato: September 9, 2011
  2. Una giornata con Saviano: le mie prigioni di velluto ilsole24ore.com November 28, 2010. Cuntrullato: January 24, 2012
  3. Intervista esclusiva all’altro Saviano: “La lotta alla mafia non ha colore” 24 ‘e dicembre ‘e 2009. Cuntrullato: January 24, 2012
  4. Il discorso di Saviano a Casal di Principe nel 2006
  5. Biografia di Roberto Saviano Sito personale dello scrittore


Clicca per leggere la risposta completa

Extenzilla.it
Logo
Enable registration in settings - general